من طرف kimo81 الثلاثاء أبريل 07, 2009 12:34 pmواحد مسطول اشتغل سواق تاكسي، شاورتله واحده، وقف وسألها "رايحه فين؟"
قالتله
"المهندسين"
قالها "روحي بس ما تتأخريش
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أتنين مساطيل طالعين في الأسانسير واحد بيقول للتانى "هو الاسانسير بطىء كده
ليه؟"
قاله "يمكن طالع على السلم"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مسطول حب يعمل برا ءة اختراع،
جاب ضفدعة وقالها "اقفزى"
فقفزت فقام بقطع أحد أرجلها الأربعة وقال لها "إقفزى"
قفزت فقام بقطع رجل أخرى وقال لها "إقفزى"
فقفزت فقام بقطع الرجل الثالثة وقال لها "إقفزى"
فقفزت قفزة صغير فقطع الرجل الأخيرة وقال لها "إقفزى" فلم تقفز
فقام بكتابة (ملحوظة: عند قطع أرجل الضفدعة الأربعة، تفقد حاسة السمع)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واحد كسلان جدا...بيقول لصاحبه : مش انا اشتغلت
قال له مبروك اشتغلت فين ؟؟ قال له في مطبعه...اقعد علي الورق علشان ما يطرش
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واحد يهودي قام من النوم الصبح وطلب من مراته تحضر الفطار
فقالتله عايز تفطر إيه يا أبو كوهين، قالها هما بيضتين مسلوقين،
واحدة ليكي والتانية ليا، وإعمليهم لغاية ما أطلع على السطوح أظبط
الإيريال.... وإوعي تنسي هما بيضتين
المهم طلع على السطوح إتزحلق ، وقع من عاشر دور
وهو بيقع زعق بعلو صوته
" بيضة واحدة بس يا أم كوهيييييييييييييين "
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واحد مسطول ماشى فى الشارع لقى عمود نور مكتوب عليه شقة للايجار راح قعد يخبط على العمود لغاية لما جاله مسطول تانى قال له انت بتعمل ايه هنا قال له اصلى لقيت مكتوب شقة للايجار قمت قعدت اخبط بس محدش رد
علىّ قام التانى قال له غريبة مع ان الجماعة منورين النور فوق
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واحد غبى بيحلق دقنه التليفون رن ، عور نفسه عشان لما يرجع يعرف هو وقف لحد فين
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واحد بيسال صاحبه هو ايه الفرق بين تجارة الحشيش وتجارة عين شمس ؟
قام صاحبه قال تجارة عين شمس 4 سنين انما تجارة الحشيش اقلها 25 سنة.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مسطول مزور ورقة بنكنوت انما 10/10 مع ذلك مسكوه ياترى ليه ؟ عشان كان مزور ورقة بستين جنيه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في واحد كريم انحرق بيته لما جت المطافي حلف عليهم ما يعملوا حاجه لحد ما يشربوا القهوة
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تلميذ لزميله : هل الهند بعيدة ؟ الزميل : لا .. لا أظن ذلك .. ففي صفنا تلميذ هندي يأتي إلى المدرسة كل صباح على دراجته
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واحد عصبي ضرسه وجعه راح للدكتور وقال له اخلع كل ضروسي وخليه زي الكـلب لوحده
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
جماعة محششين قاعدين في خيمة قالوا عايزين كبريت واحد منهم قال أنا اجيبلكم الكبريت طلع ودخل من الباب الثاني قال شباب ألاقى عندكم كبريت قالوله استريح لسه باعتين واحد أول ما يرجع نديلك .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واحد بخيل ضرب عياله؟ ليــه ؟
لقاهم مشغلين المروحة على ثلاثة وهم اثنيين
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اثنين مساطيل واحد قال تصدق بالي مشغول ،
قاله الثاني أكيد السماعه مرفوعه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ثلاثة فشارين راحوا فى للغابة علشان يصطادوا الأول قال هاصطاد أرنبين والثانى قال هاصطاد غزالين والثالث حب يوسعها وقال هاصطاد نمرين وراح كل واحد على اساس يصطاد اللى قال عليه الأول اصطاد الأرنبين والثانى
الغزالين ولما جه الدور على الثالث شاف نمر وباين عليه جعان قام النمر جرى وراه وهو بيجرى عدا علي اصحابه قالهم امسكوه على بال ما اجيبلكم الثانى ..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واحد بخيل دخل مع ابنه سوبر ماركت الولد قال لأبوه : بأحب الشوكولاته
أبوه قاله : حبها ورجعها مكانها
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واحد بخيل قال لابنه : إنجح السنة دي وانا أجبلك كورة .. الولد شد حيله ونجح .. أبوه إشترى له كورة .. وقال له : طب لو نجحت السنة الجاية أنفخها لك
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واحد مسطول كان حيخبط واحدة بالعربية .
قالتله انت ماشفتنيش . قالها أيوه شفتك بس مش فاكر فين؟؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اثنين محششين قاعدين قدام مرايه الأول قال قوم نسلم على اللي قاعدين قدامنا ، ولما وقفوا قال الثاني اقعد اقعد هما جايين علينا .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ندل ابوه طرده اول ما خرج كتب على سور البيت
هنا مقر قيادة حركة طالبان
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
محشش بيسوق عربية ومعاه أبوه ، أبوه قاله : لف يمين .. المحشش قاله
لف انت انا سايق
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حكمة المحشش :
العلم نور, والنور كهرباء , والكهرباء خطره . .... يبقى نتعلم ليييييييييييييييييييييه؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
قزم راح للترزى علشان يفصل جلابية وبعد ما أخذ الترزى مقاساته قاله القزم إمتى تخلص قاله الترزى خدلك لفه وتعال
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واحد ماعندوش غير ضرسين قدم على وظيفه عينوه *خرامه*
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واحد على فراش الموت قال لمراته إذا مت اتجوزى جارنا محمود قالت ليه قال لأنه مره باعلي بضاعة وغشني فيها....
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واحدة اديت صاحبها بغبغاء هدية ثاني يوم سألته عن الببغاء؟؟؟ قالها
*عادي طعمه زى طعم الفراخ.*
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في واحد راح يغير أنبوبة بوتاجاز قال لامه ادعيلي قالته انشاله تنفتح فى وشك
