من طرف DeMoN الجمعة مارس 27, 2009 10:42 pmمرة واحد كان نفسه يعمل حاجة الناس تفتكره بيها
وفكر انه يعلم نملة الباليه وفعلا جاب النملة ونجح فى تعليمها.... وقال يا ترى مين يقدر الفن ده
قرر انه يعرضها على الاطفال
فقابل ولد وسأله اسمك ايه ؟ قال محمد...
قال الراجل ايه دى ...
قال الولد :دى نملة وفعصها باصبعه....
الراجل اتجنن وقعد فى المستشفى سنين كتيره...
المهم علم نملة تانية الباليه....
وقال المرة دى نعرضها على الشباب بيفهم أكتر
فراح لشاب و سأله اسمك ايه قال :محمد
قال الراجل :ايه دى
قال الشاب:يا عم قلتلك من عشرين سنة ان دى نملة وبرضه فعصها باصبعه
.................................................. .................................................. .................................................. ............
واحد بواب كل يوم ينزل ينادى على مراته
ويقول لها : عاوزة حاجة قبل ما أروح الشغل
فتقوله : لا
يروح قاعد على الدكة
.................................................. .................................................. .................................................. ............
واحد فشار بيحكي مغامراته لصاحبه الغلس
الفشار : كنت ماشي مره في الصحراء طلع عليا اسد
حاولت اهرب منه
فضلت اجري اجري لغايه ما لقيت عماره طلعت فيها
الغلس : يا كداب هو في الصحراء فيه عماره ؟
الفشار : اه اسف فضلت اجري اجري لغاية ما لقيت شجره طلعت فوقها
الغلس : قال له يا كداب هو في الصحراء في شجره؟
الفشار : اه اسف فضلت اجري اجري لغايه ما لقيت جراج دخلت فيه
الغلس : يا كداب هو في جراج في الصحراء؟
الفشار : خلاص يا عم فضلت اجري اجري لغاية ما أكلني الأسد استريحت ؟
.................................................. .................................................. .................................................. ........
واحد ندل اتصل على <<نجوم اف ام>>فى يوم اليتيم وقال للمذيع احب أهدى أغنية <<بابا فين>> لكل أيتام العالم
.................................................. .................................................. .................................................. ......
واحد ندل راح المقابر و شغل الكاسيت على أغنية << الحياة حلوة بس نفهمها>>
.................................................. .................................................. .................................................. ......
و أخيرا افضل نكتة فى نظرى
واحد رخم بيكلم صاحبه ابو قلب ضعيف
الأول : اسكت يا عم ماشوفتش الحادثة اللى جات فى الجزيرة امبارح ؟
ابو قلب ضعيف : يا ستير يا رب , حادثة اية يا عم وفين ؟
الأول : لقوا أتوبيس مقلوب أمبارح فى طريق مصر أسكندرية على جنبوه و تلاتة توكتوك بيرضعوا منه
