من طرف REDHA الأربعاء أبريل 29, 2009 3:36 amبسم الله الرحمن الرحيم
===================
قصيدة قوية جدا نشرت ضد الرئيس الجمهورية العربية المصرية حسني مبارك
كثير من المنتديات المصرية لم تجرؤ على وضع القصيدة كاملى
لكن و لله الحمد من خاف من غير الله فقد اشرك
فلا رايس و لا وزير و لا احد نخاف منه غير الله
انا بنقلي للقصيدة لا اؤيد و لا اعارض
انا بكافة الاحوال مش ساكن في مصر
اللي عاوزني يجيني الاتحاد السوفيتي بروسيا الاتحادية و ياخدني من رئيس الوزراء فلاديمير بوتن
و انا من جهتي لا اشجع رئيس مصر و لا اذمه اصلا بالكاد اعرف اسمه
انا بشجع الريس بتاعي
بس لقيت القصيدة حلوة قلت انقلها
=============
لفتني هنا قصيدة بالشعر العامي واللهجة المصرية
للشاعر أحمد فؤاد نجم يهديها لحسني مبارك ملك مصر
(ملك أرض الكنانة)!!!!!!؟؟؟؟؟؟؟
عنوانها :
من أحمد فؤاد نجم إلى حسني مبارك
--------------------------
سيدي الرئيس
في عيد ميلادك الكام وسبعين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين
============================
انا عارف الكل هنا مصري
بس محدش يزعل انا لا الفت القصيدة و لا معارض لحسني مبارك
كل ما في الامر لقيت قصيدة حلوة و نقلتها
و انا و الله مش بعرف حسني مبارك علشان اقيمه
و لا بعرف الاحوال عاملة ايه السنة دي بمصر ( نسخة من السنة التي قبلها - محدش يفتن
) =================
خد بالك
الموضوع مراقب من المخابرات و زمانهم وصلوا اول الشارع عندك
ههههههههههههههههههه
تحياتي
